3.   Die Kreuzzugslieder

3.1      "Dem kriuze zimt wol reiner muot..."
                                                                    (Ende des 12. Jhs. )
I        Dem kriuze zimt wol reiner muot 
         und kiusche site:
         so mac man saelde und allez guot erwerben mite.
   5    ouch ist ez niht ein kleiner haft dem tumben man 
         der sime libe meisterschaft 
         niht halten kan. 
         ez wil niht daz man si 
  10   der werke drunder fri: 
         waz touc ez uf der wat, 
         ders an dem herzen niene hat?

II       Nu zinset, ritter, iuwer leben und ouch den muot 
         durch in der iu da hat gegeben lip unde guot.
   5    swes schilt was zer werlte bereit 
         uf hohen pris, 
         ob er den gote nu verseit, 
         der ist niht wis. 
         wan swem daz ist beschert 
  10   daz er da wol gevert,
         daz giltet beidiu teil,
         der werlte lop, der sele heil.

III     Diu werlt lachet mich triegent an und winket mir. 
         nu han ich als tumber man 
         gevolget ir.
   5    der hacken han ich manegen tac geloufen nach:
         da niemen staete vinden mac, dar was mir gach.
         nu hilf mir, herre Krist, 
  10   der min da varend ist,
         daz ich mich dem entsage
         mit dinem zeichen deich hie trage.

IV      Sit mich der tot beroubet hat 
         des herren min,
         swie nu diu werlt nach im gestat, 
         daz laze ich sin. 
   5    der fr?ide min besten teil 
         hat er dahin,
         und sch?efe ich nu der sele heil, 
         daz waere ein sin. 
         mag ime ze helfe komen 
  10   min vart diech han genomen, 
         ich wil irm halber jenen: 
         vor gote m?eze ich in gesehen.

V       Min fr?ide wart nie sorgelos 
         unz an die tage
         daz ich mir Kristes bluomen kos 
         die ich hie trage. 
   5    die k?ndent eine sumerzit 
         diu also gar
         in s?ezer ougenweide lit. 
         got helfe uns dar, 
         hin in den zehenden kor, 
  10   dar uz en hellemor
         sin valsch verstozen hat,
         und noch den guoten offen stat.
 

VI     Mich hat diu werlt also gewent 
         daz mir der muot
         sich zeiner maze nach ir sent: 
         dest mir nu guot,
   5    got hat vil wol ze mir getan, 
         als ez nu stat,
         daz ich der sorgen bin erlan, 
         diu manegen hat 
         gebunden an den fuoz, 
  10   daz er beliben muoz
         swenn ich in Kristes schar 
         mit fr?iden w?nneclichen var.